Nikki Mbishi adai Chidi Benz ni sikio la kufa

Msanii wa muziki wa Hip Hop Nikki Mbishi amedai Chidi Benz ni sikio la kufa kwa kuwa jitihada nyingi zimefanyika ili kumtoa kwenye janga la utumiaji wa unga lakini inashindikana.

Nikki ameyasema hayo  baada ya kusambaa picha katika mitandao ya kijamii zikionyesha rapper huyo (Chidi Benz) akiwa katika hali mbaya.

Kupitia instagram Nikki Mbishi baada ya kupost video akaandika:

Siwezi kupost hata picha yake wala video maana ni #FEDHEHA tu ila ukweli ni kwamba nafsi ya #CHID_BENZ haiko tayari kusaidiwa kuacha #NGADA.
Kwanza kila ukikutana naye anataka aongee yeye tu maneno yake ya #LAWAMA na kujiona anaonewa ili hali ana #HAKI sana bila kujali hali aliyonayo kwa sasa.
Kuna waathirika wengi wa madawa ya kulevya hawajawahi hata kujaliwa kwa kupata hata msaada wa kupelekwa #REHAB lakini Chid alishikwa mpaka na vitu Airport na yakasawazishwa.
Je,angeshikwa mtu mwingine si ndo ingekuwa n’tolee? He took it for granted,he is ungrateful… Wasaidizi wamechoka pia.
#NINI_KIFANYIKE na yeye hayuko tayari?

Rapa huyo miezi michache iliyopita aliwahi kusaidiwa na Babu Tale kupelekwa rehab ili kusaidiwa kuachana na matumizi ya Madawa ya kulevya lakini baadae alirudi tena.

 HII HAPA VIDEO YA NIKKI MBISHI AKIZUNGUMZIA JITIHADA WALIZOZIFANYA KABLA YA BABU TALE

• Twitter
• Facebook
• Google
• Tumblr
• Pinterest

About Tiger