Gazeti pendwa la Italia, Gazzetta Dello Sport
limeachia makala muhimu sana kwa mashabiki wa Manchester United katika
ukurasa wake wa mbele.
Gazeti hilo limeweka kichwa cha habari “Mapinduzi ya Mou sokoni: Haendi United, inaweza kuwa Real au PSG?”
Habari ipo wazi: Jose Mourinho hatatua Old Trafford.
Si habari mbaya kwa mashabiki wa Mashetani Wekundu, hata hivyo. Kutokuwasili kwa Mourinho Manchester United haimaanishi kwamba Lous Van Gaal atabaki. Gazzetta Dello Sport linaamini kuwa Ryan Giggs anaweza kuwa meneja mpya wa United.
The Special One atakuwa ametupwa pembeni bila shaka.
Wakati mlango unaweza kuwa umefungwa United, Real Madrid na PSG zote zinamtaka meneja huyo wa zamani wa Chelsea kufundisha timu zao.
PSG wanaomboleza kutolewa Ligi ya Mabingwa kwa kipigo cha Manchester City, na Laurent Blanc anakaribia kufukuzwa na klabu hiyo, kwa upande mwingine rais wa Los Blancos Florentino Perez ameripotiwa kwa muda mrefu kufanya juhudi za kumrejesha Mourinho Hispania.
0 comments:
Post a Comment